Gəncə Dövlət Universiteti

Bakıda Türkiyənin Ali Təhsil Şurasının  dəstəyi ilə Qafqaz Universitetlər Birliyinin III konqresi keçirilmişdir. Qafqaz Universitetlər Birliyinin konqresində ali təhsil müəssisələri arasında əməkdaşlığın genişləndirilməsi, yeni layihə və proqramların həyata keçirilməsi məsələləri müzakirə edilmişdir. Gəncə  Dövlət Universiteti  Qafqaz Universitetlər Birliyinə üzv qəbul edilmişdir.

Məhsəti Gəncəvinin 900 illik yubileyinə həsr olunmuş tədbirlər çərçivəsində Gəncə Dövlət Universiteti ilə Fransanın Reyms  Şampan –Arden Universiteti arasında beynəlxalq əməkdaşlığa dair niyyət protokolu imzalanmışdır. Protokolda hər iki universitet arasında ikitərəfli əməkdaşlığın inkişaf etdirilməsi, professor-müəllimlərin, tədris –köməkçi  heyətin və tələbələrin qarşılıqlı mübadiləsi, hər iki universitetin beynəlxalq layihələrdə birgə iştirakı nəzərdə tutulmuşdur. 

Elmi seminar

Böyük Azərbaycan şairəsi, rübai ustası Məhsəti Gəncəvinin yaradıcılığının 900 illiyi ilə bağlı Respublikamızda, xüsusilə şəhərimizdə keçirilən silsilə tədbirlərdə Gəncə Dövlət Universiteti fəal iştirak edir.

Universitetdə Məhsəti Gəncəviyə həsr olunmuş ədəbi-bədii gecələr, sərgilər, şeir müsabiqələr təşkil olunur.Mayın 30-da GDU-da AMEA-nın Gəncə şöbəsi ilə birlikdə Məhsəti Gəncəvi yaradıcılığının 900 illik yubileyinə həsr olunmuş elmi seminar keçirilmişdir.

Seminarı giriş sözü ilə açan universitetin elm və texnika üzrə prorektoru, dosent Pərvin Kərimzadə Məhsəti  Gəncəvi yaradıcılığının 900 illik yubileyinin YUNESKO xətti ilə qeyd olunmasından, universitetimizin fəallıq göstərməsindən, Məhsəti Gəncəvinin yaradıcılığından, şəxsiyyətindən bəhs etdi.